行山，即遠足，一項可一家大大小小參與的運動，沒錯，是一種運動，不要當作遠足只為舉步走一段路，其中的上上落落也是一種全身運動。

留意過很多的產品，貴價貨的配件往往都是比平價貨貴好多，我不是說產品本身，而是說周邊副產品，一起來數數吧!

1. 一部Benz的車頭燈，比一部本田Civic貴多倍 (只不過都是玻璃罩吧!貴在哪裡?)

2. 一本攝影雜誌比一本全彩頁週刊貴 (大家也是彩頁印刷，內容不同而已!)

3. 一間在中環的日本城的同樣貨品比在元朗的貴 (我知，租貴，那倒不如收入場費吧!)

4. 一支日本制的魚竿比台灣制的貴多倍 (當然啦，有日文的呀!)

5. 一部頂級機種用的快門線比次級機種用的貴多倍 (多功能，貴一點才配得起貴機呵!)

那即是說，住半山的人們丟的牛奶盒比一個住公屋的人們丟出來的同類牛奶盒要貴啦!當然啦，他們買的貨比人貴呀!這個社會…就是這樣分等級?

呢個世界上有沒有人是為我而生?我又是為誰而生?畢竟一個說不完的答案，好像雞先旦先的道理，可以很主觀，又可以很客觀地去應對。大多數人的一天是早上起床梳洗後上班去，每天大部份時間在工作中渡過，人是為工作而生?沒工作哪有飯吃?因為飯而生?可笑的是飯為保持人的生命得以延續下去，這麼說人是為了自己而生了。那當自己不想再延續生命時，我，是為誰而生?

我鐘意貓既原因，究竟點解?因為貓得意，受身邊既人影響，定係想試下o的新既事物?我唔識養貓，但我好想養貓。我而家有一隻狗，樣子唔靚，但好得人心，好乖，我敢肯定我如果將來養貓，我都會寧願要一隻乖巧既貓都唔要一隻樣靚既貓。

人都係一樣，一個心地善良既人，會得人心過一個靚既人。交心既人係心地好既人唔係靚既人，當然，如果兩樣都兼具就梗係如虎添翼啦。

一日坐o係公司究竟有幾多時間係做緊公司野?點解做野咁多野要等?等人做完先到自己做?我明白點解咁多人想自己落手落腳做，因為等人地做完先俾自己既時間係好難度過，同埋因為預計唔到人地幾時可以完成，不如自己做啦。

所以有o的人會做死自己，因為唔信得過人做野，有o的人就嘆死，因為樣樣都俾人做，你屬於邊一種?

蝌蚪好得意，有人養蝌蚪，養到變左青蛙，覺得佢地好醜樣，掉左佢。

我地每個人係唔係都做緊蝌蚪?好似愛情，今日你對住你身邊既蝌蚪覺得你好可愛，如果你有一日發覺你既蝌蚪變左做青蛙之後好醜樣，你係唔係都會掉左佢?

有一個人同自己一齊當然係好開心，但當日子耐左，你發覺呢個人既性格，脾氣完全唔夾自己，你會點做? 佢對你好好，好錫你，好關心你，但只係性格唔好，你係唔係都係會好似處理隻青蛙咁處理呢段感情?

人就係咁矛盾…