早晨呀!
真係好耐未試過咁鬼早就要出門口，5:40am起身，為左接4個客上大陸…真陰公~~~~
詹瑞文好野~
一個差不多接近三個小時既show, 一人獨力擔起晒，型象仲要千變萬化，唔好理佢扮得似唔似，o個份心意同毅力真係好緊要。
老詹呢場’男人之虎’，一坐低開始報導新聞已經爆晒咀，跟住講粗口o個段簡直淚水狂標!最好笑佢話男人係有一種恐懼症，叫做Derekphobia, 中文叫做’D'你恐懼症，個’D'字係門字入面加個弟只字，嘩!全場笑爆呀!!我要記得呢個terms, 日後好有用，Derekphobia, collective Derekphobia….哈哈!!!
用墨太多
最近買返黎既打印機墨水，好臭咖，唔知點解，可能係代用墨啦。不過平好多，都唔明，幾支咁既野點解可以收人地成舊水，今日打幾份文件，唔見左我10%墨!唉~噴墨打印機，你平，但你墨貴，就正如PSP一樣，你機平，但game貴。我知，你實話：車，有得改機丫嗎，大佬，犯法野唔可以搬上黎public講啦，你傻定我傻呀?鬼唔知阿媽係女人咩。
回應(2) | 回應的RSS | 暫時未有引用通告| 
(0)
小朋友，你喊呀?
幾年前，我好憎小朋友喊…
幾年後，見到小朋友喊，我會諗下佢為乜喊，係驚，係扭計，定係整親自己…
可能開始了解小朋友每一次喊都有目的，我會細心留意下佢地為乜喊。今晚o係巴士聽到一個媽媽同個仔仔講，你用邊隻手指咁樣指住媽咪，媽咪就用較剪剪左你隻手指…小朋友即刻話唔好，仲喊起上黎。我覺得，小朋友既天真無邪，真係好得意。
夾心餅…
左右做人難呢句說話，應用o係我度真係幾貼切，有時做到自己好似好麻目咁，都唔知自己幫邊一邊好，佢有佢道理，如果兩邊都要聽都要過濾，我真係唔識得做。
但講唔做，唔做都做左六年幾，成日都係咁，個人已經好累喇，算啦，都係放棄罷啦。
馬屎洲
呢個地方近三門仔，已經被列入為特別地區。有咩咁特別，入到去睇下o的岩石就知啦，各式各樣都有，有o的仲幾壯觀添!三門仔水清就公認咖啦，o個度影相真係好似香港既一個’馬爾代夫’，o的水係碧綠色，近岸好清楚睇到海床…不如睇相啦!
(18150.jpg )
