蝌蚪好得意，有人養蝌蚪，養到變左青蛙，覺得佢地好醜樣，掉左佢。

我地每個人係唔係都做緊蝌蚪?好似愛情，今日你對住你身邊既蝌蚪覺得你好可愛，如果你有一日發覺你既蝌蚪變左做青蛙之後好醜樣，你係唔係都會掉左佢?

有一個人同自己一齊當然係好開心，但當日子耐左，你發覺呢個人既性格，脾氣完全唔夾自己，你會點做? 佢對你好好，好錫你，好關心你，但只係性格唔好，你係唔係都係會好似處理隻青蛙咁處理呢段感情?

人就係咁矛盾…

有一日，我坐o係架車度，有個大肚婆上車，無位坐，無人讓佢坐，我起身讓佢，老遠拉佢埋黎叫佢坐，我再望下周圍既人，o的人當睇唔到…唉，香港人~~

有一日，我撞到個鄰居同我一齊企o係度等電梯，我同佢講早晨，跟住有另一個鄰居又出黎等，我同佢講早晨，佢當睇我唔到…唉，香港人~~

有一日，我上巴士好多人，俾人逼到埋門邊，再望返車箱大把空位，無人願郁…唉，香港人~~

我感覺到，香港人好自私…

情緒化既定義，係當你呢一秒好開心，突然間下一秒可以好唔開心，原因不明，可能係因為本身個人對呢個世界諗得好灰，可能係突然有好唔開心既野諗到，情緒化，其實自身知唔知咖呢?

我以前肯定唔係一個情緒化既人，我身邊確實有好多因素影響到我自己既情緒，有時會靜得好緊要，唔多出聲，面口好難睇，有時會好energetic，做一o的自己鐘意做既野既時候會好雀躍，但隨即又會即刻諗：其實做黎做去都係呢o的究竟有咩意義?

每一日返工，做黎做去都係同一樣野，無新意，情緒低落，十個香港人有七個都係咁咖啦，邊個鐘意返工，邊個唔係諗住唔駛做又有錢最好，唉~

問問自己，有幾多野影響到自己情緒低落?一日有幾多小時係低落既時候?

今日真係經典，呢個shopping客由大陸買野到香港，首先去商業城掃A貨，跟住搭火車落香港出老尖，我做埋tour guide, 由太空館開始一直帶佢影相，睇到個鐘差不多要開始做o個個咩幻彩show, 就企o係海旁陪佢食風，睇到8:15左右再帶佢由太空館行去文化中心再去鐘樓再入海港城掃dc同埋mp3，跟住帶佢去搭小輪過中環，入IFC食野，再去香港站同佢做check-in, 俾張飛佢搭機鐵走，淨係計行無得坐既時間係2pm-10:30pm x 2/3=6個鐘，真係死得，對腳而家好似唔係我咁! 唉!!!